酒量差飲酒會致癌？

有啲人飲幾多杯酒都可以面不改容，但有啲人飲幾啖就面紅耳赤，好快就醉，不過原來易唔易面紅同酒量係無關係嘅。

人嘅肝臟存有ALDH2，作用係將飲入體內嘅酒精分解成對人體無害嘅二氧化碳同水，再排出體外。不過有大約三分一的中國人有帶有ALDH2嘅變異基因，佢哋體內嘅ALDH2已經失去活性，飲酒後血入面嘅酒精濃度比其他人高6倍，所以飲少少已經面紅、心跳，甚至作嘔。

一般人認為，只要每日飲少少酒，就可以訓練酒量，但其實體內缺乏ALDH2嘅情況係唔會因此有改善嘅。有日本研究顯示，酒量小而日日飲少少酒嘅人，患癌嘅機會率比其他人高。所以唔飲得嘅話，都係少飲為妙。