「一個人條命好唔好，有時都好睇際遇。」
呢句算係我老頂既金句，同樣地，都係我自己既金句。
「一分耕耘，一分收穫。」係小時候父母教我地既做人道理，小時當然會信到十足十，但當人大左，見識既野遇到既野多左，就知道呢句說話，其實好多時都唔係太成立。
今日同老頂及同事食午飯，我老頂40出頭，閒談中老頂說自己既際遇的確唔錯，他並不是讀書很叻很掂的人，但眼看他自己相熟的大學同學們，大部份都沒有他現在的生活及收入好，有一些仍在浮浮沉沉，沒有方向。雖然他不至於現在可以退休不用工作，亦有同期同學比他生活富庶好多倍，但他仍認為他已經是不錯，比上不足，但比下卻卓卓有餘。
老頂當然認為他都是一個有料子的人，但他還覺得有好既際遇，的而且確幫助他不少。
我當然都好認同他這番說話。
自問自己都不是一個好叻好醒既人，朋友中大把人叻過醒過我，朋友中亦有好多人跟我一樣，在「逼科」工作若干年後轉投commercial工作。但現在相比下，不論我既現有收入，或者生活水平，都比同期大學同學好，亦比部份舊「逼科」同事的好。而我都係歸於自己際遇比其他人好，或者再直接d講，條命都生得算唔錯。
同樣地，當然有一些舊同學舊同事既情況比我好幾倍，但比較下，我都應該算是above average既一群。諗番轉頭其實有時都唔知係唔係命中註定：
如果中四當年個會計老師教我會計教得唔好，令我對會計生趣，就唔會在大學時選修會計，當然更加唔會在大會計師樓工作做事。
那年當做到audit manager，唔係當年有人無啦啦介紹轉到我舊公司工作，做上市準備，又幸運地老闆真係發左癲話要上市，而幾經辛苦又真係成功上到市，令自己叫價能力得以提高。而去年就係咁轉左一份都算好paid既工作。
唔係話晒命，不過有時連自己都會問自己，呢d係唔係叫做整定？
所以我現在不會認同「一分耕耘，一分收穫」呢個道理。老實講，有時我都認同我收取更多的收穫，但又有時收取比較少的收穫，基本上一定唔成正比。對某些人，甚至唔需耕耘，就有多分收穫。
我會認為「凡事要努力，但結果不強求」，咁做人可能會開心d。
雖然唔知日後既路有幾易又或者幾難行，不過都慶幸自己過去既際遇都唔錯，我都會好好珍惜。
